Rauðir dagar

Frídagar 2021

Íslenskir frí- og hátíðardagar fyrir 2021

Hvaða frídagar (eða „rauðir dagar“) eru lögbundnir á Íslandi?

Á Íslandi eru 16 lögbundnir frídagar. Þó er munur á hvort dagarnir séu almennir frídagar eða stórhátíðardagar. Þeir eru:

• nýársdagur (1. janúar) (stórhátíðardagur);
• skírdagur (síðasti fimmtudagur fyrir páska) 2021: 1. apríl
• föstudagurinn langi (stórhátíðardagur) 2021: 2. apríl
• páskadagur (stórhátíðardagur) 2021: 4. apríl
• annar í páskum 2021: 5. apríl
• sumardagurinn fyrsti (fyrsti fimmtudagur eftir 18. apríl) 2021: 22. apríl
• alþjóðlegur frídagur verkafólks (1. maí)
• uppstigningardagur 2021: 13. maí
• hvítasunnudagur (stórhátíðardagur) 2021: 23.maí
• annar í hvítasunnu 2021: 24. maí
• þjóðhátíðardagur Íslendinga (17. júní)  (stórhátíðardagur)
• frídagur verslunarmanna (1. mánudagur í ágúst) 2021: 2. ágúst
• aðfangadagur, frá 12 á hádegi (24. desember) (stórhátíðardagur)
• jóladagur (25. desember) (stórhátíðardagur)
• annar í jólum (26. desember)
• gamlársdagur, frá 12 á hádegi (31. desember) (stórhátíðardagur)

Stórhátíðardagar

Ekki eru allir „rauðir dagar“ svokallaðir stóhátíðardagar, en þeir dagar sem eru stórhátíðardagar skipta máli, t.d. vegna launagreiðslna þegar unnið er á þessum dögum.

Íslenskt dagatal fyrir tölvur

Bragi Halldórsson heldur úti vef með Íslensku almanaki. Þar má fá yfirlit yfir alla íslenska frí- og hátíðardaga.  Hægt er að tengja það við dagatalið í tölvunni sinni.

Bragi hefur einnig skrifað ítarlegri greiningu á því hvernig reikna megi „raunverulega“ frídaga. Frídagarnir okkar geta jú lent á sunnudegi eða hvorir á öðrum. Áhugaverð lesning sem má finna hér: Íslenskt Almanak – Tylli- og Frídagar.

Sjá einnig dagarnir.is.