Ófrjósemisaðgerðir karla

Hvernig eru ófrjósemisaðgerðir framkvæmdar á körlum?

Sáðrásum er lokað sem gerir það að verkum að engar sáðfrumur eru í sæðisvökvanum þegar sáðlát verður.

Hversu örugg getnaðarvörn er ófrjósemisaðgerð á karlmanni?

Öryggið er nánast 100%.

Hvernig virkar ófrjósemisaðgerð á karlmanni?

Ófrjósemisaðgerð á karlmanni er yfirleitt framkvæmd með staðdeyfingu. Sáðrásirnar frá eistunum eru teknar í sundur með lítilli skurðaðgerð og lokað er fyrir endana. Sáðfrumurnar fara því ekki inn í sæðisvökvann og eru því ekki til staðar við sáðlát.

Hverjir eru helstu kostir ófrjósemisaðgerða hjá körlum?

• Aðgerðin er mjög örugg getnaðarvörn.
• Hún er auðveld og hana má yfirleitt gera með staðdeyfingu, án innlagnar á sjúkrahús.
• Hún hefur engin áhrif á sáðlát eða kyngetu karlmannsins.
• Ófrjósemisaðgerðin er varanleg getnaðarvörn.

Hverjir eru helstu ókostir ófrjósemisaðgerða hjá körlum?

• Smá mar og þroti getur komið fram á svæðinu þar sem aðgerðin er gerð, en það lagast yfirleitt fljótt.
• Nokkrir mánuðir geta liðið þar til allar sáðfrumur eru horfnar úr sæðisvökvanum og á meðan þarf að notast við aðrar getnaðarvarnir. Taka þarf tvö sæðissýni sem bæði sýna fram á að sáðfrumur séu horfnar til að treysta því að aðgerðin virki.
• Einstaka sinnum geta sáðrásirnar opnast að nýju og þá er karlmaðurinn orðinn frjór á ný.
• Erfitt getur verið að tengja sáðrásirnar saman aftur.

Nánari upplýsingar um ófrjósemisaðgerðir á körlum:

• Umsókn um ófrjósemisaðgerð þarf að vera skrifleg.
• Aðgerðin er varanleg.
• Mikilvægt er að hafa hugleitt þessa ákvörðun mjög vel og vera þess fullviss að maður vilji ekki eignast börn í framtíðinni.
• Pör þurfa að fara saman í ráðgjöf áður en þau taka þessa ákvörðun saman.