Sumarnámskeið

Svo lengi lærir sem lifir og lifir sem lærir og allt það.  Skólinn á huga margra allan veturinn þar sem maður kappkostar við að læra algebru, bragfræði og sögu Zúmera.  En hvernig væri að nýta sumarið í að læra eitthvað skemmtilegt?  Skelltu þér á sumarnámskeið!

Upplýsingar um námskeið

• Vefurinn fristund.is safnar saman upplýsingum um námskeið hvert sumar í Reykjavík og á höfuðborgarsvæðinu.  Smelltu bara inn aldrinum þínum og þá koma upp margir möguleikar.  Dæmi um möguleika fyrir 16-25 ára einstaklinga eru til dæmis:
  • Lyftinganámskeið
  • Óperuakademía
  • Veda-list
  • Dansnámskeið
  • Sjálfstyrkingarnámskeið
• Betra nám býður upp á fjarnám í:
  • Hraðlestri
  • Lestri fyrir lesblinda
  • Minnistækni
  • Stærðfræðilestri
• Siglingarfélagið Brokey stendur fyrir siglingarnámskeiði á skútu fyrir fólk á öllum aldri.
• Dale Carnegie er með sjálfstyrkingarnámskeið fyrir ungt fólk (10-20 ára og 21-25 ára).
• Mímir er með tungumálanámskeið allt árið.  Á sumrin eru aðallega námskeið í íslensku fyrir fólk með annað móðurmál.
• Ljósmyndari.is býður upp á námskeið í ljósmyndun og myndvinnslu.

Ef þú veist um fleiri sumarnámskeið fyrir þennan aldurshóp, endilega láttu okkur vita í athugasemdakerfi!