Prógesterón-pillan (mini pillan)

Hvernig er mini pillan notuð?

Mini pillan er tekin inn einu sinni á dag, án þess að taka hlé eins og gert er á samsettu pillunni. Í hverjum pakka er 28 daga skammtur. Hún er hentug fyrir konur sem eru með börn á brjósti og konur yfir 35 ára.

Hversu örugg getnaðarvörn er mini pillan?

Mesta öryggi mini pillunnar er 99% ef hún er tekin rétt, ef ekki aukast líkur á þungun.

Hvernig virkar mini pillan?

Mini pillan inniheldur hormónaefnið prógesterón. Sé hún tekin reglulega og ávallt á sama tíma dags verður slím í leghálsi þykkara þannig að sáðfrumur komast síður upp í legið og einnig kemur hún í veg fyrir egglos. Legslímhúðin breytist líka þannig að egg festist síður ef það frjóvgast.

Hverjir eru helstu kostir mini pillunnar?

• Hún er örugg getnaðarvörn.
• Hún inniheldur aðeins eitt hormón.
• Blæðingar geta minnkað og jafnvel hætt.
• Túrverkir geta minnkað.
• Mini pllan getur virkað sem vörn gegn krabbameini í legi og eggjastokkum.

Hverjir eru helstu ókostir mini pillunnar?

• Blæðingar geta orðið óreglulegar og smáblæðingar geta orðið á milli hinna eiginlegu blæðinga.
• Blæðingar geta hætt.
• Vægar aukaverkanir eins og þyngdaraukning, brjóstaspenna, bólur og höfuðverkir geta gert vart við sig.
• Gæta þarf mikillar nákvæmni við inntöku pillunnar.
• Ákveðin hætta er á að getnaðarvörnin gleymist.

Nánari upplýsingar um mini pilluna

• Mini pilluna þarf að taka inn ávallt á sama tíma dags. Ekki mega líða meira en 3 klukkustundir frá þeim tíma sem átti að taka hana inn til þess að öryggi hennar minnki.
• Uppköst, niðurgangur og sum lyf geta dregið úr öryggi hennar og þá þarf að nota aðrar getnaðarvarnir samhliða í a.m.k. 7 daga á eftir.

Mini pillan er hentug getnaðarvörn þegar kona er með barn á brjósti og fyrir þær konur sem komnar eru yfir 35 ára aldur.