Hormónastafurinn

Hvernig er hormónastafurinn notaður?

Hormónastafurinn er 4 cm langur plaststafur sem komið er fyrir undir húð í upphandlegg konunnar.

Hversu öruggur er hormónastafurinn?

Mesta öryggi hormónastafsins er yfir 99%.

Hvernig virkar hormónastafurinn?

Hormónastafurinn gefur frá sér prógesterón afbrigði sem hindrar egglos og gerir leghálsslímið seigara og kemur þannig í veg fyrir frjóvgun.

Hverjir eru helstu kostir hormónastafsins?

• Hann er örugg getnaðarvörn.
• Getnaðarvörnin gleymist ekki.
• Hann inniheldur aðeins eitt hormón.
• Blæðingar geta minnkað og jafnvel hætt alveg.
• Hormónastafurinn endist í 3 ár.
• Þegar hormónastafurinn er fjarlægður hverfa áhrif hans yfirleitt fljótt.

Hverjir eru helstu ókostir hormónastafsins?

• Blæðingar geta orðið óreglulegar.
• Sumar konur þyngjast.
• Tímabundnar aukaverkanir á borð við höfuðverki, skapbreytingar, brjóstaspennu og bólur í húð geta komið fram.
• Leita þarf til læknis til að láta fjarlægja hormónastafinn.

Nánari upplýsingar um hormónastafinn.

• Hormónastafnum er komið fyrir í staðdeyfingu á innanverðum upphandlegg konunnar. Hægt er að þreifa fyrir stafnum þar sem hann liggur undir húðinni, en hann sést ekki utan frá.
• Hormónastafurinn er fjarlægður í staðdeyfingu.