Bæjar- og útihátíðir 2021

Bæjarhátíðir 2021 (birt með fyrirvara um breytingar). 

Á fyrri hluta árs er lítið um hátíðarhöld en þegar líða fer að sumri er heilmikið um að vera. Í þessari grein verður ekki fjallað um hátíðir á höfuðborgarsvæðinu, heldur einblínt á atburði sem eru á landsbyggðinni.

Apríl

• Aldrei fór ég suður er sannkölluð rokkhátíð alþýðunnar sem haldin er um páskana ár hvert.

Maí

Síðustu helgina í maí eru eftirfarandi hátíðir:

• Fjör í Flóa (22-23.maí) er fjölskyldu- og menningarhátíð sem haldin er í Flóamannahreppi. 

Júní

Fyrstu helgina í júní eru eftirfarandi hátíðir:

• Skjaldborg (29. maí – 1. júní) er íslensk heimildamyndahátíð sem haldin er á Patreksfirði. Hátíðinni er ætlað að vera tækifæri fyrir kvikmyndagerðarfólk og áhugamenn til að koma saman.

Önnur helgin í júní:

• Kótelettan (12.-14. júní) er bæjar-, fjölskyldu- og tónlistarhátíð sem haldin er á Selfossi. Þar er sýnd framleiðsla bænda á Íslandi ásamt fjölbreyttri skemmtidagskrá.
• Sjóarinn síkáti (5.-7. júní) er fjölbreytt bæjarhátíð í Grindavík sem haldin er um sjómannadagshelgina til heiðurs íslenska sjómanninum og fjölskyldu hans.

Þriðja helgin í júní:

• Skógardagurinn mikli (20. júní),  árleg skógarhátíð Félags skógarbænda á Austurlandi, Barra, Héraðs- og Austurlandsskóga, Skógræktarfélags Austurlands og Skógræktar ríkisins verður haldinn í Mörkinni í Hallormsstaðaskógi.
• Bíladagar á Akureyri (17-20. júní) er hátíð bifreiðaunnenda.  Þar er keppt í kappakstri í mörgum flokkum og bílar sýndir.

Fjórða helgin í júní:

• Lummudagar í Skagafirði er fjölskylduhátíð með fjölbreyttri dagskrá.
• Humarhátíðin á Höfn er haldin í lok júní (ekki gefin út dagsetning 2021) og er þar boðið upp á humarsúpu og fjölbreytta dagskrá á völdum stöðum í sveitarfélaginu.
• Hamingjudagar (24.-27. júní) á Hólmavík er hátíð fyrir brottflutta Strandamenn og Hólmvíkinga og vettvangur til að hittast og eiga góða stund á heimaslóð.
• Brákarhátíð (25.-27. júní) er fjölskylduhátíð í Borgarnesi til heiðurs Brák, kvenhetjunni miklu frá víkingatímum.
• Á fætur í Fjarðabyggð (19.-25. júní) er fjölskylduvæn gleði- og skemmtivika með úrvalsgönguferðum og afþreyingu við allra hæfi.

Júlí

Í júlí eru eftirfarandi hátíðir:

• Írskir dagar. (1.-4. júlí)Í byrjun júlí ár hvert halda Skagamenn bæjarhátíð til að minnast arfleifðar sinnar og gera sér glaðan dag. Þetta er fjölskylduhátíð með fjölbreyttri skemmtun; íþróttum, markaði, götugrilli, dorgveiði, sandkastalakeppni og keppni um rauðhærðasta Íslendinginn.
• Markaðshelgin í Bolungarvík (1-3. júlí) er blanda af öflugu markaðstorgi og yfirgripsmikilli tónlistar- og fjölskylduskemmtun.
• Goslokahátíð Vestmannaeyja (1.-4. júlí)  Goslokahátíðin er bæjarhátíð í Vestmannaeyjum þar sem endalokum eldgossins á Heimaey 1973 er fagnað. Hátíðin er alltaf fyrstu helgina í júlí og var fyrsta samkundan árið 1974.
• Í Snæfellsbæ eru tvær hátíðir haldnar til skiptis. Ein á ári hverju. Það eru Ólafsvíkurvaka  og Sandara- og rifsaragleði. Hátíðirnar henta fjölskyldum sérlega vel.
• Dýrafjarðadagar hefjast yfirleitt á fimmtudegi og meðal þess sem boðið hefur verið upp á eru listasýningar, leikrit, íþróttir, súpa í garði, og ótal fleira skemmtilegt. Á laugardagskvöldi er grillveisla og kvöldvaka.
• Bryggjuhátíð á Stokkseyri (2.-4. júlí) er árleg Bryggju-tónlistarhátíð á Stokkseyri.
• Á Þjóðlagahátíð á Siglufirði (7.-11. júlí) er boðið upp á dansa, námskeið og tónleika.
• Eistnaflug (frestað til 2022) er árleg tónlistarhátíð sem haldin er í Neskaupsstað aðra helgina í júlí.
• LungA (14.-17. júlí 2021) er alþjóðleg listahátíð fyrir ungt fólk sem stendur í vikutíma á Seyðisfirði.  Listasmiðjur, sýningar og magnaðir tónleikar.
• Sumarhátíð UÍA (10.-11 júlí) er íþróttahátíð sem haldin er á Egilsstöðum.
• Hríseyjarhátíð – Boðið er upp á fjölskylduvæna dagskrá sem felst m.a.í óvissuferðum um eyjuna, fjöruferð, kvöldvöku, varðeld og söng.
• Reykhóladagar er bæjarhátíð með fjölbreyttri dagskrá, svo sem súpu í heimahúsum, kassabílarallýi og balli.
• Heim í Búðardal er sumarhátíð sem bíður upp á margs konar skemmtun eins og fjölskyldutónleika, barnaskemmtun, markað, kvöldvöku og dansleik. Óvitað er hvenær hátíðin fer fram árið 2020.
• Húnavaka (15.-18.júlí 2021) er fjölskylduskemmtun og bæjarhátíð sem haldin er á Blönduósi
• Á Hlaupahátíð (16.-19. júlí) á Vestfjörðum er kept í hlaupum, hjólreiðum, sjósundi og þríþraut.
• Miðaldadagar á gásum –  Kaupskapur, handverk og leikir. Ómar fortíðar hljóma og lykt af alls kyns iðnaði, kolagerð og brennisteinsvinnslu berst um svæðið
• Bræðslan (24. júlí) er sannkölluð tónlistarveisla á Borgarfirði Eystri.
• Franskir dagar á Fáskrúðsfirði (22.-25. júlí) er menningarleg bæjarhátíð með frönsku ívafi.
• Mærudagar (23.-26. júlí) er bæjarhátíð á Húsavik og er hefð að bæjarbúar sameinist um að skipta bænum í þrjú hverfi sem einkennast með mismunandi litum.
• Eldur í Húnaþingi (21.-25. júlí) er unglistahátíð í Húnaþingi sem sett er á miðvikudagskvöldi og stendur fram á sunnudag.
• Reykholtshátíðin (23.-25. júlí) er marglofuð tónlistarhátíð sem leggur áherslu á klassíska tónlist frá 18. og 19. öld.
• Á góðri stund á Grundarfirði. Þessi vinarlega fjölskylduhátíð er hugsuð fyrir Grundfirðinga, innfædda, aðflutta og brottflutta, vini þeirra og vandamenn, og aðra gesti sem eiga leið þangað.
• Trilludagar – Fjölskyldudagar á Siglufirði
• Smiðjuhátíð er haldin á Tækniminjasafni Austurlands sem er staðsett á seyðisfirði.

Ágúst

Finna má upplýsingar um Verslunarmannahelgina hér.

Aðrar útihátíðir í Ágúst:

• ACT ALONE er leiklistarhátíð sem er haldin árlega á Suðureyri.
• Hafnardagar í Ölfussi – fjölskyldu og bæjarhátíðin Hafnardagar  –
• Sumar á Selfossi er bæjar- og fjölskylduhátíð sem hefur vaxið úr því að vera eins dags hátíð í það að vera fjögurra daga skemmtun.
• Handverkshátíðin í Eyjafjarðasveit er rótgróin handverkshátíð.
• Fjölskylduhátíðin Fiskidagurinn mikli er haldin í Dalvíkurbyggð en þar bjóða fiskverkendur og fleiri framtakssamir í byggðarlaginu landsmönnum upp á dýrindis fiskrétti.
• Berjadagar er tónlistarhátíðin sem er haldin árlega í Ólafsfirði og er flutt þar aðgengileg kammertónlist, auk þess sem gestir úr öðrum listgreinum taka þátt.

Þriðja helgin í ágúst:

• Töðugjöld er bæjarhátíð á Hellu á Rangárvöllum.
• Danskir dagar í Stykkishólmi er hátíð sem fagnar 25 ára afmæli sínu í ár
• Blómstrandi dagar í Hveragerði 
• Sveitasæla er landbúnaðar- og bændahátíð sem haldin er á Sauðárkróki.

Fjórða helgin í ágúst:

• Í túninu heima – Bæjarhátíð Mosfellsbæjar
• Hvalfjarðardagar – Óvitað er hvenær hátíðin er haldin árið 2019
• Akureyrarvaka – menningarhátíð á Akureyri

September

• Ljósanótt, menningar- og fjölskylduhátíð Reykjanesbæjar, er haldin fyrstu helgina í september. Áhersla er lögð á viðamiklar uppákomur frá fimmtudegi til sunnudags þótt hápunktur hátíðarinnar sé á laugardeginum.
• Ormsteiti bæjarhátíð er uppskeruhátíð sem haldin er á Egilsstöðum og vítt og breytt um Fljótsdalshérað.
• Þríþraut Vasa er þríþrautarkeppni sem haldin er haldin fyrstu helgina í september í Bolungarvík.
• Uppskeruhátíðin á Flúðum er haldin fyrsta laugardag í september. Þar er boðið upp á matvæli úr heimabyggð, handverk, menningu og listir.
• Réttað er í Laufskálarétt í Hjaltadal síðustu helgina í september. Þar er skemmtun og á laugardeginum taka allir sem vettlingi geta valdið þátt í réttarstörfum.
• Á Bláberjadögum í Súðavík er lögð áhersla á lok berjatímabils með fjölbreyttri  tónlist og ýmsum berjatengdum keppnum.

Október

• Haustfagnaður Félags sauðfjárbænda í Dölum er haldin fyrsta vetrardag ár hvert.
• Northern Wave International Film Festival er kvikmyndahátíð sem fer fram í október í Grundarfirði.  Hátíðin leggur áherslu á norræna nýbylgjukvikmyndagerð og sýnir bæði stuttmyndir og tónlistarmyndbönd.

Nóvember

• Safnahelgi á Suðurlandi er haldin ár hvert fyrstu helgina í nóvember.  Þá er boðið upp á fjölbreytta viðburði um allt Suðurland og í Vestmannaeyjum.