Hvað eru mæðralaun/feðralaun?

Mæðralaun eru styrkir eða greiðslur ætlaðar einstæðum foreldrum sem hafa tvö börn eða fleiri á sínu framfæri. Tryggingastofnun greiðir út mæðralaun.

Hverjir eiga rétt á mæðralaunum?

Allir einstæðir foreldrar sem eru búsettir á Íslandi og hafa tvö börn eða fleiri á sínu framfæri eiga rétt á mæðralaunum. Fari fólk í sambúð fyrnist hinsvegar rétturinn, hvort sem það er með foreldri barnsins eða öðrum aðila.

Hversu há eru mæðralaun?

Árið 2013 eru mæðralaun/feðralaun sem hér segir:

  • 7.288 krónur á mánuði fyrir tvö börn.
  • 18.948 krónur á mánuði fyrir þrjú börn eða fleiri.

Hvernig er sótt um mæðralaun?

Til að sækja um mæðralaun þarf að fylla út þetta .doc-skjal á heimasíðu TR. Því þarf að skila til þjónustumiðstöðvar TR að Laugavegi 114.

Frekari upplýsingar um mæðralaun/feðralaun má finna á heimasíðu TR, s.s. hvaða skjöl þurfa að fylgja umsókninni í ákveðnum tilvikum.

 

 

  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar