Leikskólar

Hvenær mega börn fara á leikskóla?

Börn mega fara inn á leikskóla á öðru aldursári. Ekki er þó víst að þau komist strax að. Börn eru tekin inn í  leikskólana eftir kennitölu og hafa þau sem eru eldri forgang fram yfir þau yngri. Þegar pláss losnar á öðru ári geta börn því farið á leikskóla. Það borgar sig að sækja um eins fljótt og auðið er, í hið minnsta á höfuðborgarsvæðinu.

Hvað kostar að hafa barn á leikskóla?

Leikskólapláss er misdýrt eftir aðstæðum foreldra, lengd dagvistunar og sveitarfélögum. Sem dæmi mætti nefna að átta tíma vistun í Reykjavík kostar 25.234 kr. á mánuði fyrir fólk í sambúð en 16.770 kr. fyrir einstæða foreldra. Á heimasíðu Reykjavíkurborgar má nálgast verðskrá leikskólanna.

Hvernig er sótt um leikskólapláss?

Í Reykjavík er sótt um leikskólapláss á Rafrænni Reykjavík. Hægt er að sækja um pláss um leið og barnið fær kennitölu.

Gott er að hafa í huga . . .

• Þrír leikskólar eru valdir þegar sótt er um pláss fyrir barnið. Því er mikilvægt að hafa kynnt sér skólana vel áður en umsóknin er send
• Greitt er fyrir vistun 11 mánuði á ári. Gert er ráð fyrir að barnið fari í  sumarfrí í mánuð.

Sjá einnig lista yfir leikskóla í Reykjavík.