Heim Samfélagið Frítími Hvenær eru páskarnir?

Hvenær eru páskarnir?

Páskarnir eru á mismunandi tíma ár hvert, en dagsetning þeirra fer eftir tunglárinu. Hér er listi yfir páskana næstu árin.

Síðast uppfært: 12. apríl, 2022 Birt: 7. mars, 2016.

10022

Á hvaða tímabili eru páskarnir?

Páskarnir miðast við samnefnda hátíð gyðinga, en tímatal gyðinga byggir á tunglári og þess vegna eru páskarnir ekki alltaf á sama tíma. Páskarnir geta verið á rúmlega mánaðartímabili á vorin. Páskadagur er fyrsti sunnudagur eftir fyrsta fulla tungl eftir vorjafndægur (frá og með 21. mars). Páskadagur getur í fyrsta lagi fallið á 22. mars og í síðasta lagi á 25. apríl en allar dagsetningar þar á milli koma til greina.

Dymbilvika (síðasta vikan fyrir páska)

Dagarnir fyrir páska eru oft frídagar í íslenskum skólum og á sumum vinnustöðum. Þar eru nokkrir kristnir hátíðisdagar:

Pálmasunnudagur: Samkvæmt Mattheusarguðspjallinu reið Jesú á asna inn í Jerúsalem til að halda páskadag gyðinga. Hann heitir Pálmasunnudagur því að margir veifuðu pálmagreinum til að fagna honum. Dagurinn er ekki almennur frídagur eða stórhátíðardagur en fellur náttúrulega alltaf á sunnudegi, sem eru frídagar (eða unnir með helgarálagi).
Skírdagur: Fimmtudagurinn fyrir páska, en þá borðaði Jesús “síðustu kvöldmátíðina” með lærisveinunum sínum og þvoði fætur þeirra. Skír þýðir hreinn í þessu samhengi. Skírdagur er almennur frídagur.
Föstudagurinn langi: Þá var Jesús krossfestur. Stórhátíðardagur.
Laugardagurinn fyrir páska: almennur frídagur.
Páskadagur: Stórhátíðardagur.
Annar í páskum: almennur frídagur.