Er allt í steik?

Eru að koma gestir og allt er í óreiðu heimafyrir? Langar þig að taka smá til en tíminn til stefnu er takmarkaður? Hér fyrir neðan má finna nokkur ráð við því.

Það sem þú þarft:

  • Ilmvatn
  • Þvottakörfu
  • Tusku
  • Ryksugu

Það sem þarf að gera:

Athugið: Þessi listi er skrifaður þannig að það mikilvægasta er efst. Byrjaðu á númer eitt og vinndu þig niður listann. Það er alls ekkert hundrað í hættunni ef þú nærð ekki að klára öll atriðin.

  1. Taktu til. Allt dót og drasl er gott að taka af borðum og ganga frá. Ef ekki gefst tími til þess að setja allt á réttan stað, má nota þvottakörfuna og setja hana síðan í lokað herbergi.
  2. Loftaðu út. Opnaðu glugga og hurðar til að fá ferskt loft í húsið. Þá má einnig spreyja smá ilmvatni eða ilm fyrir heimilið, nota ilmkerti eða jafnvel reykelsi. Aðal atriðið er þó alltaf að lofta vel út.
  3. Gerðu stofuna fína. Þurrkaðu af þar sem þú gerir ráð fyrir að eyða tíma með gestinum. Einblíndu á að allt sé þokkalega hreint þar.
  4. Gerðu sjálfa/n þig til. Ekki gleyma því að gestur þinn kemur til með að horfa meira á þig heldur en húsgögnin. Ef þér finnst þú þurfa þess, skiptu þá um föt, greiddu á þér hárið og settu á þig svitalyktareyði.
  5. Lagaðu til á baðherberginu. Líklegt þykir að gestur þinn nýti sér baðherbergið og því er ágætt að fara yfir það aðeins. Athugaðu hvort þú gleymdir nokkuð nærfötum á gólfinu, kíktu ofan í klósettið og sjáðu hvort það þarfnast aðhlynningar. Þá er gott að þurrka af klósettskál, vaski og spegli.
  6. Vaskaðu upp. Settu í vélina ef þú átt hana, vaskaðu annars upp. Ef ekki gefst tími í það má alltaf setja meirihluta uppvasksins í vaskinn, þá fer ekki eins fyrir því.
  7. Ryksugaðu. Einblíndu á allra mikilvægustu svæðin í húsinu og ryksugaðu einingis eins og tíminn leyfir.

ef allt annað bregst: Hvað er smá drasl á milli góðra vina?

Heimildir

Greinin er byggð á þessari grein frá the spruce og reynslu höfundar.

 

 

 

  • Var efnið hjálplegt?
  •    Nei

Ert þú með spurningu?

Öflugt ráðgjafarteymi sérfræðinga svarar spurningum þínum; um kynlíf, námið, sjálfsmyndina, þunglyndi, fíkn, sambönd eða hvað annað sem þér liggur á hjarta. Full nafnleynd og 100% trúnaður.

Spyrja spurningar