Flestir kannast við það að hafa fest tyggjó í fötunum sínum. Þó er ekki víst að allir þekki þau ótal mörgu ráð sem til eru við þessum vanda.
Hér drjúpa ráðin af hverju strái!
- Settu fljótandi sápu á svæðið. Það gerir það auðveldara að ná tyggjóinu alveg af.
- Settu fötin í frysti. Gott er að setja þau í sér poka og frysta í nokkra tíma. Passaðu að tyggjóið dreifist ekki enn meira um flíkina í frystinum!
- Settu fötin í sjóðandi heitt vatn. Skafaðu tyggjóið síðan af flíkinni með bitlausum hnífi eða jafnvel gömlum tannbursta.
- Settu hnetusmjör yfir tyggjóið. Fitan af því ætti að ná tyggjóinu burt. Hins vegar má búast við því að fitan festist aðeins í flíkinni – en það er hins vegar auðveldara að ná henni úr en tyggjói.
- Skelltu límbandi á tyggjó-smitaða svæðið. Rífðu svo límbandið af flíkinni. Endurtaktu þetta þangað til allt tyggjóið er farið!
- Skelltu ediki í örbylgjuofninn. Hitaðu það og helltu því síðan yfir tyggjóið. Svo má taka upp bitlausa hnífinn eða gamla tannburstan og skrapa tyggjóið burt.
- Spreyjaðu hárspreyi á tyggjóið. Þá harðnar það og auðveldara verður að ná því af.
- Notaðu smurolíu á tyggjóið. Þá er eftirleikurinn einfaldur, skrapa tyggjóið burt!
- Notaðu neglurnar. Þegar það eru agnarlitlir afgangar eftir af tyggjóinu, geta einstaklingar með sterkar neglur notað þær til þess að kroppa restina af!
Gangi ykkur sem allra best í komandi tyggjó vandræðum!
Vantar þig fleiri húsráð? Inni á Áttavitanum má finna ýmiss konar ráðleggingar! Það má til dæmis finna greinar um það hvernig á að flísaleggja, pakka fyrir flutninga, negla í veggi, viðhalda skóm og þrífa klósett.
Undirflokkinn okkar „Húsráð“ má finna hér!
Þýtt og staðfært frá:
HVAÐ SEGIR ÞÚ UM ÞETTA EFNI?